கோவக்காய்
(Ivy Gourd)
கோவக்காய் ஆசியா, ஆப்பிரிகா, அமெரிக்கா போன்ற நாடுகளில் விளைகிறது. வெள்ளரியைப்போல் தோற்றம் உடையது. ஆனால் அதைவிட அளவில் சிறியது.
நன்மைகள் :
இதன் இலை, காய், வற்றல், தண்டு, கிழங்கு அனைத்தும் மருத்துவப் பயன் கொண்டவை. கோவக்காய் சாப்பிட்டால் சர்க்கரை நோயைக் கட்டுப்படுத்த முடிகிறது. உடல் அயர்ச்சியைத் தடுக்கிறது. தோல் சம்பந்தப்பட்ட நோய்களை குணமாக்குகிறது. சிறுநீரக கற்கள் வருவதை தடுக்கிறது.
கோவக்காய் பொரியல்
தேவைப்படும் நேரம் : 30 நிமிடம்
செய்முறை :
- முதலில் சின்ன வெங்காயத்தை பத்து எடுத்து, சிறிதாக அரிந்துக்கொள்ளவும்.
- தக்காளியையும் பொடியாக வெட்டிக்கொள்ளவும்.
- கோவக்காயை நன்றாக கழுவி, வட்டம் வட்டமாக நறுக்கிக் கொள்ளவும்.
- தேங்காய் ஒரு மேஜை கரண்டி அளவு துருவிக் கொள்ளவும்.
- தாளிக்கும் கடாயையை அடுப்பில் ஏற்றவும்.
- எண்ணெய் ஊற்றி, கடுகு, வெங்காயம் போட்டு வதக்கவும்.
- கோவக்காயை சேர்த்து வதக்கவும்.
- அடுத்து தக்காளி சேர்த்து வதக்கவும்.
- மஞ்சள் தூள் 1 தேக்கரண்டி சேர்க்கவும்.
- மிளகாய் பொடி அல்லது சாம்பார் பொடி 2 தேக்காரண்டி சேர்க்கவும்.
- மல்லி தூள் 2 தேக்கரண்டி சேர்க்கவும். உப்பும் சேர்க்கவும்.
- நன்றாக வதக்கவும்.
- சிறிது தண்ணீர் சேர்த்து காய் வேகும் வரை அடுப்பில் வைக்கவும்.
- தேங்காய் துருவல், கருவேப்பிலை கடைசியில் சேர்த்து இறக்கவும்.
- சுவையான கோவக்காய் பொரியல் ரெடி. எந்த சாப்பாட்டுடனும் எடுத்துக்கொள்ளலாம்.