முறுக்கு

தேவையானவை :

பச்சரிசி மாவு – 4 கிண்ணம்

உளுந்த மாவு – 1 கிண்ணம்

வெண்ணெய் – 2 தே. கரண்டி

சீரகம் – 2 தே. கரண்டி

எள் (விருப்பபட்டால்) – 1 தே. கரண்டி

ஓமம் (விருப்பபட்டால்) – 1/2 தே. கரண்டி

உப்பு சிறிதளவு

மிளகாய் பொடி – 1 தே. கரண்டி

பெருங்காய தூள் சிறிதளவு

செய்முறை :

பச்சரிசியை தண்ணீரில் நனைத்து, உலர வைத்து, மையாக திரித்துக் கொள்ளவும்.
உளுந்தை சற்று சிவக்க வறுத்து, திரிக்கவும்.
4 பங்கு பச்சரிசி மாவுக்கு, 1 பங்கு உளுந்த மாவு எடுத்து உப்பு, மிளகாய் பொடி, பெருங்காய தூள், சீரகம், எள் கலந்து தண்ணீர் ஊற்றி பிசைந்துக் கொள்ளவும்.
முறுக்கு அச்சில் தேங்காய் எண்ணெய் தடவி, ஈரமான துணி ஒன்றில் முறுக்கு மாவை பிழியவும்.
எண்ணெய் நன்றாக சூடானதும் முறுக்கு போட்டு எடுக்கவும்.

குறிப்பு :

மாவு பிசையும் போது அச்சில் வைத்து அதிக அழுத்தம் கொடுக்காமல் பிழிந்தால் மாவு வருகிற மாதிரி, தண்ணீர் அளவாக சேர்க்க வேண்டும். தண்ணீர் அதிகப்பட்டால், முறுக்கு எண்ணையை அதிகம் குடிக்கும்.